| 諗左好耐，以為自己會諗到一份好合適既禮物‥‥‥
其實諗好左，不過睇左xanga先知完全係兩回事‥‥‥
我唔開心呀，但係又代表左 d 咩呢？係代表我根本唔係一個了解身邊人 既人。
你想要既野，我自問真係可以比到你？
事實真係往往就係咁，魚與熊掌不可兼得‥‥‥ 要我去選擇嘛？ 我當然希望我最親既人去體諒，不過人總唔可以無條件咁去容忍。
有時我都明我係工作狂，呢排仲用左過多既時間落工作度‥‥
不過，我唔想後生既時候唔捱、唔出頭，到左老年先去後悔‥‥
我好想你知道，不過你似乎唔明白‥‥ |
| |
| 放手去做一件唔係唔好，不過影響力都好大。 我唔明自己做緊 d 咩，以為隨心所欲就可以，但係其實唔係囉‥‥‥要面對既始終都要面對。我唔清楚自己想點，yuko 話有選擇既時候都係一件好事，不過有時選擇可以係一種痛苦既事。 波 話有時人會忘記左自己真正需要既係咩，都岩既，尤其係我。我一直以為自己係一d冇所謂既人，不過我而家先發現，我都有我想要既野，哈哈，認識自己都幾難‥‥‥ 我以為我好了解自己啦，不過唔係囉。(不過唔好介紹我去講座，費事我一口拒絕你咁尷尬  ) 講左好多次唔係囉。 |
| |
| 近期心情又好番好多‥‥‥ 放手去做一件事，果一種感覺真係好好。(雖然呢件事我問心係一件錯事，仲要錯要離晒譜，但係我真係鐘意做，吹咩!?) 可能係心情好左，個人亦隨之然輕鬆左。突然間覺得，人際關係都好左好多喎。唔唔，要 keep 住呢一種心境。 好想大笑， 。 十個秋天要快 d 過！ 美麗之最 手 願意捐給你拓著頭
做你的安枕剛好足夠
望你的天真可以永久
眼 看你半世還未夠
喜歡你的眉頭 哪怕皺起始終清秀
在某天 未發展 在某間咖啡店
尚記起坐你後面 習慣守望半天
望你從來都溫暖 想一生看下去
還會等一天八十歲 看你髮端灰色的點綴
未來只有樂趣 和你去拖手看新居
雙眼開始像飲醉 尤如觀星 你在這裡
我的雙眼裡 尋找到宇宙之最
心 像太專心看你在忙
望你不施脂粉多好看
自信坦率多可愛眼光
你碰上挫折仍硬朗 不沮喪不徬徨
看你鬥心多麼兇悍
但你竟 用決心 任意放棄所有
獨個走 我要殿後 視線跟著你走
直到你放開所有 想一生看下去
還會等一天八十歲 看你髮端灰色的點綴
未來只有樂趣 天真追我所追
只怕始終未登對 仍然想講我第一句
我的雙眼裡 尋找到美麗之最
說過愛你要接受意外 總要挑戰障礙比賽
最怕看見你抱著決心離開
說過要與你赤道看海 更說永遠愛你未變改
等著你 目光未會離開 等你 回我身邊繼續回味
眼裡每種溫馨好滋味 未來只看著你 微笑中
班點會皺起 得我始終望穿你
仍然想講 最後一句
我的雙眼裡 尋找到美麗之最 |
| |
| 仆街仔，你好呀！好耐冇寫野比你條粉腸喇，上次寫野比你好似都有6年，最近點 ? 死得未? 唔駛講，你又博老命做野啦‥‥‥ 好心你小心身體啦，自己身體又唔係好！ 小 long 最近好似搵過你喎‥‥‥不過你似乎o係度逃避緊d野。你都仲係咁既死款，避得就想避！諗過勸你嫁‥‥‥不過算啦，江山易改本性難移。 近來係唔係發生左d咩事? 見你心情好反覆，而且唔太好。搵唔到人同你吹水分享下咩?抵你死啦，成日扮孤僻，到最後一個可以傾兩句既人都冇埋。其實由中四、五開始，你真係變左好多，好少聽人講心事，亦好少搵人講心事，耐左喇，其他人咪習慣唔搵你囉。嘿嘿，你都係自己搵個窿收埋自己喊算啦‥‥‥ 好喇，眼瞓呀，有機先再寫野比你啦~ 回信呀！臨走記住肥伯既一句︰
"3年後，你就會好好多嫁喇！" |
| |
